Nú er alt hetta lættari. Tí Skráseting Føroya hevur fingið eina nýggja og einfaldari  heimasíðu, her tú skjótt og lætt fært yvirlit og tær upplýsingar, tær tørvar. Trýst teg víðari á síðuni, alt eftir um tú skalt byrja, broyta, ella enda fyritøkuna.

Lýsingar, sum Skráseting Føroya hevur í Dimmalætting, eru eisini at síggja á nýggju heimasíðuni. Leita og tú skalt finna...Trýst teg inna á www.skraseting.fo   







CTCas er ein donsk fyritøka, sum umboðar KT framleiðsluna hjá Canon, kopimaskinur, prentarar, etc, og annan útbúnað.

Vit fingu uppgávuna at menna eina heimasíðu fyri  CTAas.

Tey vildu hava eina heimasíðu, sum sýnir hvør CTC er. Og sum upplýsir um vøruútvalið hjá CTC. Harafturat vildu tey hava eina síðu, sum var løtt at dagføra. Døm sjálv/ur www.ctc.as 

Norðurlandahúsið í Føroyum ynskti sær eina nýggja heimasíðu við bygnaði og sniði, ið lætt kennist aftur í lýsingum og  øllum PR-tilfarinum hjá húsinum. Allar upplýsingar um húsið skulu finnast her.

Norðurlandahúsið í Føroyum er eitt mentanarhús – á tremur við tiltøkum. Á heimasíðuni finnur tú eina skrá við einum  yvirliti yvir øll tiltøkini, nær og hvar tey eru. Beinanvegin á forsíðuni fær tú eisini yvirlit yvir tey nýggjastu tiltøkini í húsinum. Ein slíkt skrá verður dagførd hvønn dag. Starvsfólkini í Norðurlandahúsinum hava fingið skeið í, hvussu heimasíðan skal dagførast. 

Hygg inn á

 

16. februar 2006 hevði Havnar Arbeiðskvinnufelag 70 ára føðingardag, og við tí høvinum vildi HAK varpa ljós á Arbeiðskvinnufelagið, við at halda føðingardagin. Ætlanin var at hava eina móttøku í hølum felagsins, umframt at sýna fram myndir frá farnari tíð. Tørvur var tó fyri hjálp í sambandi við at lýsa HAK úteftir - at siga, hvat Havnar Arbeiðskvinnufelag er. 

Vit styttu navnið til HAK, so tað var lættari at bera fram, og gjørdu eitt búðmerki. Grethe gjørdist hon, sum á skemtingarsaman hátt segði frá føðingardegnum hjá HAK og hvat fór fram í hesum sambandi.

Aftur at tí gjørdu vit heimasíðuna www.hak.fo. Á síðuni kunnu limir finna upplýsingar um burðarfarloyvi, eftirløn, frítíð og mangt annað. Møguleiki er fyri at tekna limaskap á heimasíðuni, taka niður faldarar, og álmanakkin kunnar støðugt limirnar um komandi tiltøk.

Vinnumálaráðið ynskti sær eina heimasíðu, sum ikki einans upplýsti, men eisini eggjaði til kjak. Á heimasíðuni www.vmr.fo verður boðið til kjak, har ið til ber at lesa og skriva íkast til almenna kjakið, ella beinleiðis skriva til Vinnumálaráðið.

Á heimasíðuni ber eisini til at lesa, hvat Vinnumálaráðið tekst við og til skiftis verða ymisk evni tikin upp, t.d. einskiljingar, vinnupolitikkur o.a. Heimasíðan vísir eitt virkið Vinnumálaráð, sum næstan dagliga hevur tíðindi ella tíðindabrøv á skránni. 

Heimasíða hevur eisini eitt innanhýsis øki, har tað ber til at rita seg inn við brúkaranavni og kotu.

www.prix.fo er ein heimasíða sum vendir sær til tónleika áhugaðu fjøldina. Heimasíðan varð ein tann mest vitjaða heimasíðan í Føroyum, ímeðan Prix Føroyar 2005 koyrdi. Tey ymsu tiltøkini vóru ummæld, og upplýsingar um næstu tiltøkini, umframt myndir, ljóð og video vóru, og eru enn, at finna á heimasíðuni. Tað var møguligt at atkvøða um hvønn bólk ein dámdi best, og at lesa um søguna hjá Prix, síðani tað byrjaði sum tónleikatiltak í 1995.